|  |
 |
 |
 |
|
|
|
|
 Cês Hana
Merch fach yn nwylo'r Natsiaid
Glyn Evans yn sôn am, Cês Hana gan Karen Levine. Wedi ei addasu i'r Gymraeg gan Eigra Lewis Roberts. Gomer. £5.99.
Mae hanes cês Hana yn cychwyn yn Tokyo, Siapan, yng ngwanwyn y flwyddyn 2000.
Mae'n cychwyn hefyd yn nhref Nove Mestro yn yr hen Tsiecoslofacia yn nhridegau'r ugeinfed ganrif.
 Yng ngwanwyn 2000 derbyniodd Fumiko Ishioka, cyfarwyddwraig amgueddfa Holocost fechan yn Tokyo gês bychan yn dwyn y geiriau "Hanna Brady - Waisenkind" a'r dyddiad geni, Mai 16, 1931 arno.
Anfonwyd y cês yn dilyn cais a wnaeth Fumiko i amgueddfa Auschwitz am fenthyg creiriau i'w harddangos.
O'r munud y'i gwelodd y cês gwag a'r gair a ddisgrifiai Hana fel plentyn amddifad yr oedd Fumiko Ishioka wedi ei chyfareddu a threuliodd dros flwyddyn yn ceisio atebion i'r cwestiynau;
Pwy oedd Hana Brady?
O ble'r oedd hi'n dod?
Sut ferch oedd hi?
Ac yn bwysicach na dim, o gofio o ble daeth y cês, Beth â ddigwyddodd i Hana?
Ddim yn hawdd
Fu canfod yr atebion ddim yn hawdd fel y gwelir oddi wrth y gyfrol deimladwy hon a sgrifennwyd gan newyddiadurwraig o Ganada ac a droswyd i'r Gymraeg gan Eigra Lewis Roberts.
 Dewisodd Karen Levine greu plethiad o ddau gyfnod ar gyfer dweud y stori gan sôn bob yn ail pennod am ymchwil Fumiko Ishioka heddiw a hanes y plentyn o Iddewes, Hana Brady, dan iau Natsiaeth yn Ewrop y tri a'r pedwar degau.
Adroddwyd y stori gyntaf fel rhaglen radio gan CBC yng Nghanada, Hana's Suitcase.
Hynny oherwydd mai yn y wlad honno y mae George, brawd Hana, yn byw erbyn hyn.
Drwg a dyrchafol
Y mae'n stori ysgytiol a dirdynnol yn dangos y natur ddynol ar ei gwaethaf ar y naill law a'i dewraf a mwyaf dyrchafol ar y llall wrth inni ddod yn ymwybodol o'r hanes o safbwynt nid yn unig Hana ond hefyd ei brawd a Fumiko Ishioka y ferch o Siapan sydd am gadw'r cof yn fyw Siapan heddiw am erchylltra'r Holocost.
Mae'n stori wefreiddiol gwerth cael y fersiwn Gymraeg hon ohoni yn darlunio i'n plant a'n pobl ifainc y pwysigrwydd o fod yn gyson effro i arwyddion o ddifrawder ymhlith dynion.
Gwybodaeth ar Gwales Cliciwch
Cysylltiadau Perthnasol
Rhagor am y llyfr
 |
Ychwanegwch eich sylwadau i'r dudalen fan hyn:
|
|
|
|
|
|  | |  | |  | |  | | |  Sôn amdanynt
Rhestr o'r holl lyfrau sydd wedi cael sylw ar BBC Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
|
Llyfrau - gwefan newydd
Teulu Lòrd Bach
Petrograd
Lôn Goed
Silff y llyfrau diweddar
Hanner Amser
Deryn Glân i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol