|  |
 |
 |
 |
|
|
|
|
 Plant ar Lein yn dewis Llyfrau Gwerth eu Darllen
Mae yna gyfle i blant Cymru ddewis eu llyfr gorau fel rhan o gynllun adolygu llyfrau ar-lein gan Gyngor Llyfrau Cymru.
Bydd y plant yn cael rhoi eu barn ar 24 o lyfrau a ddewiswyd fel rhai "Gwerth eu Darllen" ac yna dyfarnu sgôr o rhwng un a phum seren iddynt.
Cynyddu'r diddordeb mewn llyfrau a darllen yw'r bwriad ac mae'r Cyngor yn cynnig gwobr o werth £50 o lyfrau yr un i'r ugain ysgol gyntaf i anfon adolygiadau gan ddeg disgybl neu fwy i'r wefan.
Ac ar Ddiwrnod y Llyfr 2004 - dydd Iau Mawrth 4 - cyhoeddir teitlau'r ddau lyfr un Cymraeg ac un Saesneg a gafodd y nifer fwyaf o sêr.
"Rydyn ni eisiau annog rhagor o blant i ddarllen llyfrau ac ysgrifennu adolygiadau arnyn nhw. Trwy roi'r adolygiadau ar y we, rydyn ni'n eu hannog i wneud y ddau beth yma ac y mae hefyd yn fodd o wella eu sgiliau TGCh," meddai trefnydd Ymgyrch Gwerth eu Darllen, Lila Piette o Gyngor Llyfrau Cymru.
"A thrwy wobrwyo'r llyfrau â sêr, byddant hefyd yn cyfrannu at gyfanswm terfynol eu hoff lyfrau yn y casgliad, meddai.
Y llyfrau i bleidleisio iddynt ar hyn o bryd yw:
Blits - Dyddiadur Edie Benson, Llundain 1940 1941 gan Vince Cross, addasiad Eigra Lewis Roberts
O'r Lludw gan Michael Morpurgo, addasiad Gwen Redvers Jones
Dim Actio'n y Gegin gan Siân Lewis
Bympyti-Bymp gan Ruth Morgan
Help! Mae 'Na Hipo yn y Cwstard gan Sonia Edwards
Ta-ta Tryweryn! gan Gwenno Hughes
Y Ddynes a Enillai Bethau gan Allan Ahlberg, addasydd Dylan Williams
Gornest Reslo'r Menywod Cinio gan Nicholas Daniels
Psst! gan Gwyn Morgan
Hyfforddi Hirben gan Michael Coleman addasiad Dylan Williams
Tipyn o Gamp 1 gan Delyth George
Isi a'r Cloc gan Gwyn Morgan
Dwi'n Byw Mewn Sw Gyda'r Cangarw - Barddoniaeth Loerig am Anifeiliaid gan Myrddin ap Dafydd
Mae manylion y llyfrau a manylion pleidleisio arwefan Plant ar Lein ac yna clicio ar Gwerth eu Darllen ac mae rhagor o wybodaeth o gysylltu â Chyngor Llyfrau Cymru ar 01970 624151
Nod Diwrnod y Llyfr yw annog mwy o bobl o bob oed i ddarllen rhagor o lyfrau trwy brofi nad llyfrbryfed yw'r unig rai sy'n darllen!
Mae Cyngor Llyfrau Cymru yn gwahodd ysgolion, llyfrgelloedd a sefydliadau amrywiol i gynnal digwyddiad arbennig ar Ddiwrnod y Llyfr. Yn 2003, cymerodd miloedd o blant ac oedolion ran mewn gweithgareddau o bob math ledled Cymru.
|
|
|  | |  | |  | |  | | |  Sôn amdanynt
Rhestr o'r holl lyfrau sydd wedi cael sylw ar BBC Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
|
Llyfrau - gwefan newydd
Teulu Lòrd Bach
Petrograd
Lôn Goed
Silff y llyfrau diweddar
Hanner Amser
Deryn Glân i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol