Sanksiyalara görə Rusiya “ildə $40 milyard itirir”

Anton Siluanov neftin ucuzlaşması nəticəsində itkilərin 100 mlrd dollara çata biləcəyini deyib.

Şəklin mənbəyi, Reuters

Şəklin alt yazısı, Anton Siluanov neftin ucuzlaşması nəticəsində itkilərin 100 mlrd dollara çata biləcəyini deyib.

Rusiya iqtisadiyyatı sanksiyalara görə ildə 40 milyard dollaradək itki verir, Rusiyanın maliyyə naziri bildirib.

Anton Siluanovun dəyərləndirməsinə əsasən neftin 30 faizədək ucuzlaşması 90-100 milyard dollar həcmində itkilərə səbəb ola bilər.

Prezident Vladimir Putin ölkəsinin enerjidaşıyıcılarına qiymətlərin “fəlakətli” şəkildə aşağı düşməsinə hazır olduğunu deyib.

Bundan əvvəl iqtisadi inkişaf naziri BBC-ə müsahibəsində bildirib ki, Rusiya neft ixracının məhdudlaşdırılmasını nəzərdə tutan mümkün sanksiyalar ssenarisini nəzərdən keçirir.

Aleksey Ulukayev deyib ki, neftin ucuzlaşması investisiya və istehlakçı tələbatını azalda bilər.